خواتین کے عالمی دن کے موقع پر خاتون آٹو ڈرائیور کا اعزاز 

ہریدوار۔ خواتین کے عالمی دن کے موقع پر کڑچھ علاقہ کی آنگن واڑی ورکروں اور مددگاروں نے ایک پروگرام کا انعقاد کیا۔ پروگرام میں چائلڈ ڈیولپمنٹ پروجیکٹ آفیسر سنگیتا گوئل نے خواتین آٹو ڈرائیور ممتا مہیلا، سماجی کارکنان انیتا شرما اور نشا پنڈر کو تعریفی اسناد دے کر اعزاز سے نوازا۔ اس موقع پر چائلڈ ڈیولپمنٹ پروجیکٹ آفیسر سنگیتا گوئل نے کہا کہ آج کی خواتین ہر میدان میں اپنی موجودگی کا احساس دلارہی ہیں۔ ممتا جیسی خواتین، جو آٹو چلا کر خاندان کے اخراجات چلانے میں مدد کر رہی ہیں، تمام خواتین کے لیے ایک تحریک ہیں۔ انہوں نے کہا کہ کوئی کام چھوٹا یا بڑا نہیں ہوتا۔ خواتین کو بغیر کسی ہچکچاہٹ کے خود انحصاری کے لیے آگے آنا چاہیے اور اپنی صلاحیت کا مظاہرہ کرنا چاہیے۔ پروگرام میں علاقے کی نگران کویتا جاکھڑ، علاقے کی آنگن واڑی ورکرس اور معاونین کو بھی اعزاز سے نوازا گیا۔